franco的部落格

糊塗裁縫師

作詞：林秋標/郭大誠　作曲：郭大誠

我是一個快快樂樂糊塗裁縫師　新型服裝由阮來
給你來剪裁　無論是先生小姐請恁來作看覓
包恁穿著一定真可愛　新潮流　啊　新時代　

工夫通人知。 糊塗的裁縫師

口白：來來來，小弟姓胡名塗，全省通人知，
　　　我是有名擱糊塗的裁縫師。
　　　當時梁山伯和祝英台，草茅相結拜，

所穿的服裝對叨位來？
　　　也是小弟去給伊剪給伊裁，若不信你頂

好去問伊看覓。
　　　當今二十一世紀的新時代，查某囝仔的裙，
　　　就要愈短和愈可愛，
　　　但是穿迷氣裙尚驚做風颱，所以迷地和迷 

嬉，才會流行全世界。
　　　話又講倒返來，不是我在漏下骸，上日仔一

個做戲的演員，
　　　行對我這來，拿一塊花布叫我就給伊剪給伊

裁，伊講工資要清采。
　　　啊好哇！你既會清采，我嗎清清采采給你

剪擱給你裁，就無十分鐘久，
　　　就給伊做一領那個奸臣服裝，非常的可愛。

有一日，　　

伊穿我所做的那領服裝要去上舞臺，
　　　馬勢一個佝落去，哎～哭爸呀～
　　　褲底裂嘶嘶！台下的觀眾看得攬肚臍，

有的看得漏下骸。
　　　導演在後台感覺真奇怪，趕緊請一個秀才，
　　　秀才一個出去，哎哎哎！這樣要那會使。
　　　那個時候呢，秀才就這樣出聲講：「哎呀！

啟稟相爺，喳！城下和尚來作歹，

瀉死瀉眾不應該，
　　　皇上命你捉來殺呀！請你低頭來看覓。」
　　　那個時候，導演就順伊的勢，趕緊就這樣，
　　　哎呀伊就大聲就講了啦：「哎呀！左右仔，

大事不妙了，
　　　褲底裂嘶嘶，快快下後台呀!」
　　　嘿嘿嘿，這就是小弟所做的服裝在作怪，
　　　看你要多清采擱多可愛在你來，就是為著這

樣，大家呣才講我是糊塗的裁縫師！

我是一個快快樂樂糊塗裁縫師　新型服裝由阮來
給你來剪裁　論是先生小姐請恁來作看覓
包恁穿著一定真可愛新潮流　啊！新時代
工夫通人知　糊塗的裁縫師